Ааҕыы сылын чэрчитинэн оройуон сахалыы тыллаах оскуолаларын уонна уһуйааннарын үлэһиттэрэ “Ааҕааччы билиитин хаҥатар ньыма көрүҥнэрэ” диэн семинар-практикумҥа үлэ уопутун билиһиннэрдилэр.
Семинар ыалдьыттарынан Марина Никифорова, С.А. Новгородов аатынан “Айар” национальнай кыһатын үөрэх уонна оҕо кинигэтин киинин салайааччыта, Февронья Ядрихинская, С.Н.Донской-ll аатынан Үөрэҕи сайыннарар уонна идэни үрдэтэр институт үөрэх чааһын салаатын салайааччыта буоллулар. Ыалдьыттар бэйэлэрин үлэлэрин сүрүн хайысхатын билиһиннэрдилэр.
Киин бибилэтиэкэ үлэһиттэрэ Ирина Колодезникова, Римма Захарова кинигэни ааҕыыга туһалаах сүбэлэри биэрдилэр.
“Сырдыкчаана”, “Чуораанчык”, “Кыымчаан” уһуйаан иитээччилэрэ Тамара Ефимова, Евдокия Харайданова, Евдокия Сухомясова кинигэҕэ тапталы иитии, төрөппүт көмөтүн, ааҕыыга интэриэһи үөскэтэр көрүҥнэрин кэпсээтилэр.
Учууталлар Татьяна Захарова (Мэҥэ-Алдан ОО), Дария Бурцева (Кириэс-ХалдьаайыОО), Фекла Павлова, Мотрена Келина (Үөгэн СО), Любовь Степанова, Ньургуйаана Назарова (Саһыл ОО) оҕо ааҕар дьоҕурун сайыннарыыга туһуламмыт ньымалара болҕомтону тарта.
Саха тылын уонна литературатын учуутала Екатерина Григорьева (Мэҥэ-Алдан ОО) ааҕааччы билиитин хаҥатар ньымаларга тохтоото. Тыл үөрэхтээҕэ Ирина Харайданова (Кириэс-Халдьаайы ОО) оҕону ааҕыыга көҕүлүүр дьиэ кэргэҥҥэ болҕомто уурарга тус санаатын эттэ.
Мэҥэ-Алдан нэһилиэгин
бибилэтиэкэрэ Ольга Халыева “Эдэр ыалга сахалыы иитии өйдөбүнньүгэ: Ютуб-ханааллар” диэн интэриэһинэй ыйынньыгы көрдөрдө.
Дьиэ кэргэҥҥэ оҕону ааҕарга уһуйуу туһунан бэйэтин уопутуттан Александра Захарова (Мэҥэ-Алдан нэһ.) кэпсээтэ.
Тэрээһиҥҥэ Архангельскай уобаласка олорор
саха тылын үөрэтэр, тыл үөрэхтээҕэ Ольга Шедричева кыттыыны ылла.
Семинар кыттыылаахтарыгар үөрэх салалтатыттан туоһу сурук туттарылынна.
